Ikasleek, profesionalek, gaixotasunak eragindako familiek eta haur minbiziarekin sentsibilizatutako jendeak esperientziak eta ezagutzak konpartitzea zen gure helburua. Jakitun ginen honelako ekimenak prestakuntza eta antolakuntza lan izugarria ekarriko zuela, baina kongresu honi esker gure Elkartea eta honen lana ezagunagoa egingo zela eta gaixotasun honen tratamendurako egin diren aurrerakuntzak gizartearengana iritsiko zirela jakiteak, gogo biziz lan egitera bultzatu gintuen.

Gure helburuak lortzeko, parte-hartze programa oso bat prestatu zen, gure haurrak zaintzeko esperientzia handia duten espezialistak zeudelarik bertan. Kongresuak iraun zituen bi egunetan honako gaiak jorratu ziren:

Kongresu honek, haur minbiziaren errealitatea eta haur minbizia hurbiletik bizi izan dugunok, hots, talde sanitarioek, minbizidun haurren gurasoen elkarte eta erakundeok ditugun itxaropen handiak hedatzea lortu genuen topaketa eta irakaspen foro bat izatea lortu zuen.

Itxitura ekitaldian Naroa Intxausti Bolunburu (Sopranoa) eta Oihana Barandiaran Duran (Pianojolea) eta “Bihotz Gaztea” dantza taldearen emanaldia izan genuen. Krongresuari amaiera ofizialki emateko Juan Mª Atutxa, Eusko Jaurlaritzako Lehendakaria, izan genuen eta bertan bildu ginenei hitzaldi bat eskaini zigun. Guk zati hau atera dugu:

“Botika berri bat eskuetan hartzen dugun bakoitzean, kaxatik harekin datorren instrukzio liburu antzeko bat ateratzen dugu, propektua. Nik “MAITASUNTERAPIA”rena irakurri dut eta zera dio:

• Edukia: Maitasuna, gizatasuna, samurtasuna, elkartasuna, erresistentzia eta borondatea.
• Propietateak: Elkartasunaren eta erresistentziaren ekintza antidepresiboa erlazionatzen du maiatsunak eta samurtasunak beti sortzen duten baikortasuna eta konfiantzarekin. Bizitzak pena merezi duela kontsideratzeko gogo-aldartea sortzen du.
• Oharrak: Gaixotasun larriak gainditzeko funtsezkoa. Itxaropenaren ekoizpena suspertzen du eta gogo-aldartean hobekuntza sortzen du, bestela ez baikenuke inolako aukerarik izango.
• Posologia: Ez da kontraindikaziorik agertu. Honetatik, behar bezain beste hartu.
• Bigarren mailako efektuak: apurturik zeuden harremanak berreskuratzen lagun dezake. Pertsonenganako, Jainkoarenganako edo bienganako sinismena suspertzen du.
• Aurkezpena: Laztanetik antolatutako irteerara, laguntza psikologikoa eta famili terapiatik igaroz. ASPANOVAS Bizkaiaren katalogoan begiratu.
• OSO GARRANTZITSUA: Botika hau ez utzi goiko apaletan. Beti haurren eskuragarri utzi. Ez da beharrezkoa astintzea. Soilik erabili.

Geratzen zaidan gauza bakarra mirarizko produktu hau egiten dutenei, zuek bezala, zorionak ematea da”.

Horrelako ekimen bat aurrera eramateko ASPANOVAS Bizkaiarengan konfidantza izan dutenei gure eskerrik beroenak eman behar dizkiegu, beraien laguntzarik gabe ez bailitzateke posible izango: txostengileak, Pelcons Publicidad, Bilboko Udaletxeko Gizarte Ongizate Saila eta BBKko Gizarte-Ekintza.