HELBURU OROKORRA:

·Minbizia duen haurraren eta bere familiaren bizi-kalitatea hobetzea.

HELBURU ZEHATZAK:

• Gurasoen eskaerak bideratzea ASPANOVAS – Bizkaia elkartean  eta gizartean dauden baliabideak eskura izan ditzaten, bai eta baliabide horiek gestionatzea eta tramitatzea ere.
• Egoera/familien kontrola eta jarraipena, laguntza ekonomikoen aplikaziorako.
• EAEtik kanpora joan behar duten familientzako egoteko lekua bilatzeko tramitazioak egitea, kanpoan eman beharreko egunak igarotzeko lekua izan dezaten, eta leku horretako guraso elkarteekin koordinatzea.
• Banakako kasuetan esku-hartzea, arazo sozialak konpontze aldera.
• Eskualdeko beste area edo zerbitzu batzuekin koordinatuta egotea, elkarrekin kasuak tratatzeko
• Elkartearen eskumenekoak ez diren egoerak dagokien lekura bideratzea.
• Etorkinen familientzako baliabideak eta laguntzak mobilizatzea.
• ASPANOVAS- Bizkaia elkartean eta beste zerbitzu batzuetan egiten ari diren lanei buruzko informazioa ematea aldiro-aldiro, jendearengan interesa pizteko eta haien lankidetza bultzatzeko.
  
  

  
  >> Garapen-aldia:

  2006ko urtarrilaren 1etik abenduaren 31ra

  Honako hauek dira esku-hartzerik nagusienak

• Erasandakoen familiak laguntzeko balio izatea, antzeko egoera batetik igaro izanak ematen duen esperientziarekin.
• ASPANOVAS Bizkaia elkartearekin harremanetan jartzea sustatu eta erraztea. Horrela, elkarteak dituen baliabideen berri emango zaie. Baliabide hauek umeak eta familiak laguntzen dituzte tratamendu aldian eta bere premiak asetzeko estaldura ematen dute:
  • Umea laguntzen dutenek egunean otordu bat dohainik har dezakete, txartelak direla eta.  Ospitaleratze aldian, bi txartel ere har dezakete, aurretiazko balorazioak horrela eskatuz gero.
  • 15 egun baino gehiago ospitalean ematen duten umeei laguntza ekonomikoa ematen zaie.
  • Gure erkidegotik kanpoko joan-etorrietarako laguntzak: ostatu, mantenu eta bestelako gastuak.
  • OSAKIDETZAk ordaindu bitartean, beharrezkoak diren protesiak ordaintzeko diru-laguntzak.
  • Osakidetzaren balioespena gainditzen duenean, protesiaren ordainketarako konplementuak.
  • Gurutzetako Ospitalean ospitaletik gertuko bideo-klub batean filmak eta bideo-jokoak alokatzeko txartelak.
  • Telebista ordaintzeko laguntza, ospitalean zerbitzu hori doakoa ez bada.
  • Familiek informazio gehiago izan dezaten eta gertatzen ari zaiena uler dezaten, hezkuntzazko hainbat material psikologiko eskuragai dugu (komikiak, gurasoentzako gidak, …).
  • Aurretik balorazioa eginda, garraio, logopeda edota botika gastuetarako laguntzak ematen dira.
  • Baliabide ekonomiko urriko familientzat elikadurazko premia biziko produktuak lortzeko kudeaketa lana. 
  • Puntu honetan bereziki azpimarratu nahi dugu ASPANOVAS Bizkaiak Barakaldon duen harrera pisu berria. Etxe hau Gurutzetako Ospitaletik 300 metro eskasera dago (Inmaculada kalea, 25 - 8.A – ezk., Gurutzeta, Barakaldo). Etxebizitza hau erabat hornitua dago (3 logela, sukaldea, egongela, komun bat, gas naturala, …) eta Gurutzetako Ospitaletik bost bat minutura dago. Etxebizitza hau doakoa da eta behar duten guraso guztien eskura dago. Horrela, gurasoek “bizitzeko” edo atseden hartzeko lekua izango dute, ume onkologikoen egonaldi luzeetan zehar.