UMEEKIN (Minbizidun Haurren Elkarteen Euskal Federazioa) eta ADANO (Nafarroa) elkarteetako 570 pertsonak parte hartu zuten Disneyland Parisera antolatu genuen bidaian. Bidaia hau Loiuko aireportutik aireratu eta lurreratu zen lehenego jumboan egin genuen eta 3 egun eta 4 gauetan familiak Sequoia hotelean ostatu hartu zuten mantenu erdiko erregimenean. Familiek sarrera librea izan zuten Parkera sartzeko hiru egunetan zehar eta azkenengo gauean “Buffallo Bill”eko ikuskizunaz zein afariaz gozatzeko aukera izan zuten. Partehartzaile guztiek Disney-ren mundu zoragarrian une magikoak elkarbanatu zituzten, hango protagonista guztiekin, Mickey, Minnie, Donald, Chip eta Chop, etab. Gure Elkartearen oroimenean egongo da gure haurren bizitzako unerik handienetakoa bezala. Eskerrik asko EITB-k UMEEKIN eta ADANO-rentzat antolatutako telemaratoian ahalegindu zen Euskal gizarteari, bildu zen diruarekin bidaia zoragarri hau burutzearen ametsa bete dugulako.

Seguros AXA-ko “De Todo Corazon Fundazioa”-ri esker 40-ren bat haurrek eta 10 laguntzailek kultura eta dibertsiozko egun oso bat igaro zuten. Goizean Eusko Jaurlaritza bisitatu zuten, Juan Mª Atutxak gidatu zituelarik instalazioak bisitatzerakoan. Bisita hori bukatzean, Gamarrako igerilekuetara joan ziren, eta bertan bazkaldu eta jarduera ludiko zein akuatikoetaz gozatu zuten.

Urtero lez haurrak kanpamenduetara bildatzeko ohiturarekin jarraituz, ASPANOVAS-ek, ASPANOA (Zaragoza), ASPANION (Valentzia) eta ARGAR (Almeria) elkartekin batera aurten penintsularen iparraldea aukeratu du berauetarako, Santanderreko Monte Corona Aterpetxea hain zuzen. Aurten protagonista eguraldi txara izan arren, haur eta gaztexoek kirol jarduera zein jarduera ludiko anitz burutu zituzten tokian eskaintzen zuen ingurugiro zoragarrian.

Helburu orokorra: Partehartzaile guztiek gaixotasunaren prozesutik deskonektatzea eta bakoitzaren esperientziak beste haurrekin elkarbanatzea ezagutza berriak lortzeko eta horrela garapen pertsonal egokia sustatzeko.

1. Gaixotasunaren prozesutik deskonektatzea.
2. Beste haur eta gazteekin, minbizidunak zein gaixotasunik gabekoak, komunikazioa hobetzea beste erkidego batzuetako historia eta kultura ezagutzeko aukera ahalbidetuz.
3. Bizi-aztura osasungarria sustatzea.
4. Emozioen eta sentimentuen adierazpena erraztea adierazpen tekniken bidez.
5. Denbora librea modu aberasgarrian pasatzea, ezagutza eta trebezia sozial berriak bereganatuz.
6. Gaixotasunik ez duten ume eta gazteekin integratzea.
   

Kanpamenduak irauten dituen 15 egunetan burutu diren jardueren helburuak honakoak dira: talde-lana sustatzea; aktiboki parte hartzeko adorea izatea; afektibitatea, psikomotorea eta adimena modu orekatuan garatzea; eta jolasa eta lanaren adierazgarri sintetikoa izatea, jarduera maila gorenera iritsiz.

Burututako jarduerak taldeko kideen adin desberdinetara egokitu dira. Horien artean azpimarratzen ditugu: aurkezpen jolasak, ezagutza pertsonalerako jolasak, tailerrak, gorputz-adierazpenerako jolasak, yincana, kirol-jarduerak, irteerak...

UMEEKIN, Minbizidun Haurren Gurasoen Elkarteen Euskal Federazioak, ASPANOVAS Bizkaia, ASPANOVAS Gipuzkoa eta ASPANAFOHA-k osatua, asteburu honetarako Barriako Aterpetxean (Araba) topaketa bat antolatu du. Haurrek ingurumen natural pribilegiatuaz eta gure elkarteetako monitore boluntarioek antolatutako jarduera anitzetaz gozatu zuten. Igandean gurasoek taldearekin bat egiteko aukera izan zuten eta horrela beraiek ere jolas egin eta gozatzeko aukera izan zuten. Honelako jardueretatik ateratzen den gauzarik positiboena elkarte ezberdinetako familien arteko harremanen sustapena da.

30 haurrek Zestoako Sastarrain Baserri-Eskolako ingurune naturaleko instalazioetaz gozatzeko aukera izan zuten asteburuan. Baserri-Eskola honetan eskaintzen diren aukeren artean, gure haurrek mendi-ibiliak, tirolina, tailer desberdinak, espeleologia eta eskalada bezalako kirol jarduerak praktikatu zituzten eta Loiolako Santutegia eta Tren Museoa bisitatu zituzten.

Abenduaren 20-an Bilboko Udaleko Ongizate Sozialeko Zinegotziak gure haurrak hartu zituen Udaletxean eta 2002.eko Minbizidun Haurraren Eguneko agiriaren irakurketa beraiekin konpartitu zuen. Agiria Federaziotik idazten da eta Minbizidun Haurren Gurasoen Federazio Espainiarreko elkarte guztiek babestua da.

Abeduaren 21-ean Segundo Olaeta Musika Eskolako Abesbatzak kontzertu txiki bat eskaini zuen Gurutzeetako Ospitalean egun berezi hura ospatzeko. Aldi berean, elkarteko kideek informazio eta dibulgazioko materiala banatu zuten ospitalera hurbildu zen jende guztiaren artean.

Eguna Bilboko Montenegro Jatetxean ospatu zen bazkari eta haurrentzako jaialdi batekin bukatu zen, bertan elkarteko 160 pertsona bildu zirelarik.

50 haur Gabonetan Bilboko Euskalduna Jauregian eskaini zen “101 Dalmatas” musikalera joan ziren. Haurrek emanaldiko une oro gozatu zuten eta Miriam Diaz Aroca aktoresarekin batera parte hartzen zuten dalmaziar txakurkumeek egiten zituzten bihurrikeriekin barre ugari egin zuten.