ASPANOVAS BIZKAIAk, gaixoen gurasoen elkarteak atzo bere urteroko jaia ospatu zuen Algortako kaleetan. Haur minbizidunen gurasoen elkartea, ASPANOVASek, atzoko Osasun Jaiaren ospakizuna aprobetxatu zuen Osasun publikoari gaixotasunaren tratamenduan eta gaixoen arretan hobekuntzak aldarrikatzeko. “Hezur-muinaren eta zilbor-hestearen emaitzarako baliabideak erraztea eskatzen dugu”, azaldu zuen Izaskun Sesumagak, elkarte honetako ordezkariak. Urtero elkarte honek Algortako kaleetan antolatzen duen Ospakizunean publiko egin zuten manifestuan gogora ekarri zuten Bizkaiko ospitale batzuk zilbor-hestea gordetzeko bankuen beharrizana dutela. Haur minbizidunen senitartekoek ziurtatzen dutenez, gabezia honek haur batzuen hobekuntza ekarriko luketen inplanteak egitea eragozten du. “Bankuak Madrilen eta Bartzelonan daude eta horregatik hemen oso inplante gutxi egiten dira. Haurraren amak ematea zuzenean egin dezakeenean baino ez dira egiten. Hezur-muinaren banku propioak eratzearen alde ere apustu egin zuten, horrela “espezialistek” bere esku izan zitzaten. 18 urte arte. Elkarteak gaixoak 18 urte bete arte tratamendu pediatrikoa jasotzea aldarrikatzen du. Beren seme-alabek denbora asko igarotzen dute ospitalean eta helduei zuzendutako eremuan arnasten den giroa “haurrak soilik dauden eremukoa baino askoz gogorragoa da” aipatu zuten. Era berean, Osasun publikoak minbizia gaixotasun kronikotzat jo beharko lukeela ulertzen dute. Horrek abantaila batzuk ekarriko lituzke etxeko arretan eta gastu farmazeutikoan, zeintzuk familia askorentzako handiegiak izan daitezkeen, horrela arazo ekonomikoa gainontzeko arazoei gehitzen zaielarik. Abegi-etxea. Elkarte hau trantze hau igarotzen ari diren familiei lagiuntzeko lan garrantzitsua egiten ari da. Zerbitzu psikologiko propioa dute, tratamendua hartzeko beste osasun zentro batzuetara joan behar dutenei laguntza ekonomikoa ematen diete. Gaixorik dagoen haurraren integrazio soziala errazten dute eta beraientzat denbora libre eta aisialdirako jarduerak antolatzen dituzte. Duela urte bete, doako abegi-etxe bat jarri zuten martxan, Gurutzetatik gertu eta bertan ospitaletik urrun bizi diren familiak gera daitezke. 5 hilabete baino gutxiagoan 27 familiak erabili dute. Gizarteak haurtzaroan minbiziak duen eraginaren berririk ez duela uste dute eta informazio gabezia horrek dramatizatzea eta gaixoei errukiz begiratzea eragiten duela. “Gure haurrak gainontzekoen modukoak dira. Zoriontsuak dira, eta beraiek zoriontsuak badira, gu ere bai” esan zuen Sesumagak. Elkartearen lema “Bizitzea... euren jokurik dibertigarriena” da eta horregatik beraien jaia beti animatua da. Atzo en zen Osasun Krosa falta izan eta Berangoko atletismo taldearen partaidetza izan zuen eta animazio Areatxu fanfarriaren esku egon zen. Musika Segundo Olaeta Musika Eskolak jarri zuen.

EL CORREO, 2003.eko maiatzaren 26-a.