ASPEKTU ZEHATZAK KIMIOTERAPIAREKIKO

• Trauma gingibala plaketopenia aldietan murriztu behar da, gaixoak clorhexidina (kolutorioa edo gela) erabili behar du eta ahoko higiene egokia mantendu. Hondakinak traumarik sortu gabe mugitzen dituzten hortzetako eskuila bigunak eta mihi-karrakagailua erabili.
• Kimioterapiak irauten duen bitartean egiteke utzi ziren tratamendu odontologikoak egingo dira, aura egoera hematologiko egonkorrean baldin badago. Onkologoarekin kontsultatu behar da tratamendu odontologikoak egiteko garairik egokiena noiz den jakiteko.
• Hortzak ahalik eta traumarik txikiena sortzeko moduan atera behar dira, anestesia tronkularra ekidinez eta profilaxi antibiotikopean, beharrezkoa baldin bada.

ASPEKTU ZEHATZAK RADIOTERAPIAREKIKO

• Fluorraren aplikazioa ontzietan gela jarriaz. Alde gingibaletik behera 3 mm irtetzen diren eta material malguarekin egindakoak diren ontzi indibidualen bidez aplikatutako %1 neutroko fluoruro sodikoaren erabilera gomendatzen da. Ahoa ondo garbitu ondoren fluordun ontzia 5-10 minututan aplikatu behar da bi egunero, ahal bada oheratu aurretik. Ontziak kendu ondoren ez da jan, edan edo ahoa garbitu behar hurrengo 30 minutuetan. Haurrak ontzia jasaten ez badu, eskuilarekin aplikatu ahal zaio, pauta bera jarraituz.
• Ontziekin egiten diren fluorizazioak mantendu egin behar dira listu-fluxuaren murrizketa dagoen bitartean. Hau berreskuratzean, fluorra kontsultan aplikatuko zaio 6 hilero.
• Garezurreko edo lepoko erradioterapia hartu behar duten 10 urtetik beherako haurretan garatzen ari diren hortzak babesteko berunezko ontziak erabiltzea aztertu behar da.
• Erradiazio osteko exodontziak behar direnean, beharrezkoak direnak, baino ez dira egin behar. Haurretan osteorradionekrosi kasurik egon ez den arren, exodontziak ekidin behar dira, ahal izanen gero, errediazio ostean lehenengo 2 hilabete eta urte bete bitarteko denbora pasa arte. Datu hau garrantzitsua da erradioterapia osteko hortz erauzketa izaten baita arrazoi abiarazlea.